Հյուսիսային Կորեայի վարչապետ Կիմ Չեն Ընը դեկտեմբերի 28-ին Դեղին ծովում հետևել է ռազմավարական թևավոր հրթիռների արձակմանը, հաղորդում է Կորեայի կենտրոնական լրատվական գործակալությունը (KCNA):
Հրթիռները խոցել են իրենց թիրախները՝ համապատասխանաբար 10,199 վայրկյան և 10,203 վայրկյան հատուկ հետագծով թռչելուց հետո։
«Ընկեր Կիմ Չեն Ընը մեծ գոհունակություն է հայտնել։ Նրա խոսքով՝ զորավարժությունների արդյունքները գործնական հաստատում են և ռազմավարական հակահարձակում իրականացնելու մեր ներուժի բացարձակ հուսալիության հստակ ցուցադրություն», – հաղորդում է KCNA-ն։
ԿԺԴՀ-ի առաջնորդը ընդգծել է, որ միջուկային զսպման միջոցի արագ արձագանքման պատրաստվածության կանոնավոր փորձարկումները և դրա հզորության ցուցադրումը ինքնապաշտպանության իրավունքի պատասխանատու իրականացման մաս են կազմում։
«Ընկեր Կիմ Չեն Ընը վստահեցրել է, որ մեր կուսակցությունն ու կառավարությունը կշարունակեն գործադրել բոլոր ջանքերը՝ միջուկային մարտական ուժերի անընդհատ զարգացման համար», – հաղորդել է գործակալությունը։