Ռիշոն դե Ցիոնի 40-ամյա բնակիչ Վադիմ Կուպրիանովի նկատմամբ քրեական գործի հետաքննությունը երեկ` դեկտեմբերի 25-ին, ավարտվել է եւ իրանական հետախուզության հանձնարարությամբ երկրի անվտանգության ոլորտում իրականացրած հանցագործության հատկանիշներով մեղադրական ակտը ներկայացվել Լոդի դատարան։
Իսրայելի «Կան» հեռուստատեսությունը եւ Israel Hayom թերթը հայտնում են, որ Կուպրիանովը երեք տարի աշխատել է որպես մոնտյոր Գլխավոր շտաբի պետի գրասենյակում։
Ըստ իսրայելական ԶԼՄ-ների` շտաբի ներկայիս պետի` գեներալ-լեյտենանտ Էյլյա Զամիրի պաշտոնավարման առաջին օրը Կուպրիանովին կանչել են նրա աշխատասենյակ օդորակիչը նորոգելու համար։ Նա մուտք է ունեցել երկրի պաշտպանության նախարարության, ու ոչ միայն, տարբեր գաղտնի օբյեկտներ։
Ըստ հետաքննության` Կուպրիանովը բազմաթիվ ֆոտո եւ վիդեո նկարահանումներ է կատարել, այդ թվում նաեւ նախկին վարչապետ Նաֆթալի Բենեթի տան մոտ։