24 դեկտեմբերի 2025 – 17:23 AMT
PanARMENIAN.Net – Հայաստանի ազգային հավաքականի և սերբական «Ցրվենա Զվեզդայի» պաշտպան Նաիր Տիկնիզյանն ասել է, որ այս պահին ունի 4 քաղաքացիություն։ Այդ մասին նա ասել է Nobel YouTube ալիքին տված հարցազրույցում։
Ֆուտբոլիստը նշել է, որ հայկական, ռուսական և սերբական անձնագրերից բացի ստացել է նաև ԱՄՆ անձնագիր, գրում է Auroranews.am-ը։
Այն հարցին, թե ինչո՞ւ է իրեն պետք ԱՄՆ անձնագիր, նա հումորով պատասխանել է. «Ինչո՞ւ է ինձ պետք այս անձնագիրը։ Որովհետև յուրաքանչյուր իրեն հարգող հայ պետք է ունենա ԱՄՆ անձնագիր»։
Տիկնիզյանը «Ցրվենա Զվեզդային» միացել է 2025 թվականի ամառային տրանսֆերային պատուհանի ընթացքում։ Սերբական ակումբի կազմում պաշտպանը մասնակցել է 25 հանդիպման և կատարել է 2 գոլային փոխանցում։