Սիրիայի արտաքին գործերի և արտերկրում բնակվող սիրիացիների հարցերով նախարար Ասաադ Հասան ալ-Շայբանին չորեքշաբթի օրը հաստատել է, որ ռուս-սիրիական հարաբերությունները թևակոխում են փոխադարձ հարգանքի վրա հիմնված նոր դարաշրջան:
Մոսկվայում իր ռուս գործընկեր Սերգեյ Լավրովի հետ հանդիպման ժամանակ ալ-Շայբանին ասել է. «Մենք շարունակում ենք Սիրիայի վերակառուցումը հաստատակամ ազգային կամքով և ձգտում ենք հավասարակշռված հարաբերությունների բոլոր երկրների հետ»:
Ալ-Շայբանին հավելել է, որ ջանքեր են գործադրվում Սիրիա ներդրումներ ներգրավելու ուղղությամբ՝ տնտեսական վիճակը բարելավելու նպատակով:
Իր հերթին Լավրովը նշել է, որ հանդիպմանը քննարկվել են տարբեր հարցեր՝ ընդգծելով Սիրիայի տարածքային ամբողջականության պահպանման և երկու երկրների միջև երկկողմ համագործակցության ընդլայնման կարևորությունը: