ԱՄՆ ռազմաօդային ուժերը Lockheed Martin-ի հետ C-130J Super Hercules ռազմական տրանսպորտային ինքնաթիռների արտադրության պայմանագիրը հասցրել են 10 միլիարդ դոլարով՝ հասցնելով այն 25 միլիարդ դոլարի, ասվում է Պենտագոնի մամուլի ծառայության կողմից երեքշաբթի օրը տարածված հայտարարության մեջ։
«Փոփոխության արդյունքում պայմանագրի ընդհանուր անվանական արժեքը 15 միլիարդ դոլարից աճել է մինչև 25 միլիարդ դոլար», – նշվում է փաստաթղթում։ Պայմանագիրը պետք է ավարտվի մինչև 2035 թվականի հուլիսի 16-ը։
Այս ժամանակահատվածում արտադրվելիք ինքնաթիռների ճշգրիտ քանակը դեռևս չի նշվում։ Ամերիկյան կողմը նախատեսում է դրանցից մի քանիսը վաճառել Ավստրալիային, Գերմանիային, Եգիպտոսին, Նոր Զելանդիային, Նորվեգիային, Ֆիլիպիններին և Ֆրանսիային։
ԱՄՆ ռազմաօդային ուժերը նաև Boeing-ին շնորհել են 2 միլիարդ դոլարի պայմանագիր՝ B-52 Stratofortress ռազմավարական ռմբակոծիչների շարժիչների փոխարինման ծառայությունների համար: Պայմանագիրը պետք է ավարտվի մինչև 2033 թվականի մայիսի 31-ը: