Գրենլանդիայում ԱՄՆ հատուկ դեսպանորդ Ջեֆ Լենդրին հայտարարել է, որ Վաշինգտոնը մտադիր է ապագա համագործակցության հեռանկարները քննարկել անմիջապես կղզու բնակիչների հետ։
Fox News-ին տված հարցազրույցում Լենդրիին հարցրել են, թե ինչպես է նա նախատեսում երկխոսություն կառուցել Դանիայի հետ, որի կազմում Գրենլանդիան ներառված է որպես ինքնավար տարածք։
«Կարծում եմ՝ մեր քննարկումը պետք է լինի Գրենլանդիայի ժողովրդի՝ գրենլանդացիների հետ. ի՞նչ են նրանք ուզում, ի՞նչ հնարավորություններ չեն տրվել նրանց, ինչո՞ւ նրանց չի տրվել բավարար անվտանգություն։ Մենք այնտեղ չենք գնում որևէ մեկին նվաճելու և որևէ մեկի երկիրը զավթելու փորձ անելու համար»,-ասել է Լանդրին։
Դեկտեմբերի 21-ին ԱՄՆ նախագահ Դոնալդ Թրամփը Լուիզիանայի նահանգապետ Ջեֆ Լենդրիին նշանակեց Գրենլանդիայի հարցերով ԱՄՆ հատուկ դեսպան։ Նշանակվելուց հետո նա X-ում հայտարարեց, որ կձգտի կղզին միացնել Միացյալ Նահանգներին: Սա արդեն իսկ դիվանագիտական վեճ է առաջացրել Դանիայում, որը գագաթնակետին է հասել ԱՄՆ դեսպանի՝ Արտաքին գործերի նախարարություն կանչվելով: