74 տարեկանում կյանքից հեռացել է բրիտանացի երգիչ, երգահան եւ կիթառահար Քրիս Ռին, հայտնում է The Guardian պարբերականը:
Նշվում է, որ երգիչը խաղաղ պայմաններում մահացել է այսօր առավոտյան՝ կարճատեւ հիվանդությունից հետո, ընտանիքի անդամների շրջապատում:
Քրիսը համաշխարհային ճանաչում է ձեռք բերել իր տասներորդ՝ «The Road to Hell» (1989 թ.) ստուդիական ալբոմի թողարկումից հետո, որը համարվում է նրա լավագույն ձայնասկավառակներից մեկը: Մեծ հաջողություն է վայելել նաեւ երգչի՝ 1991 թվականին թողարկված «Auberge» ալբոմը:
