Ռուսաստանի նախագահ Վլադիմիր Պուտինը և ԱՊՀ ղեկավարները, որոնք Սանկտ Պետերբուրգում են ԱՊՀ ոչ պաշտոնական գագաթնաժողովի համար, Էրմիտաժ այցելության ժամանակ հետևել են հայտնի «Սիրամարգ» ժամացույցի եզակի մեխանիզմի աշխատանքին։
Մեխանիզմը լարել է Միխայիլ Գուրևը՝ Էրմիտաժի ժամացույցների և երաժշտական մեխանիզմների վերականգնման գիտական լաբորատորիայի ղեկավարը, Էրմիտաժի տնօրեն Միխայիլ Պիոտրովսկին ներկայացրել է այն։
«Սիրամարգ» ժամացույցը ոսկեզօծված բրոնզից և արծաթից է։ Այն պատրաստվել է 18-րդ դարի վերջին անգլիացի ոսկերիչ և մեխանիկ Ջեյմս Քոքսի կողմից։ Մեխանիզմը Էրմիտաժի համար պատվիրել է կայսրուհի Եկատերինա Մեծի ֆավորիտ իշխան Պոտյոմկինը։ Ժամացույցը Ռուսաստան է բերվել և շահագործվել է հայտնի ռուս մեխանիկ Իվան Կուլիբինի կողմից։