Մադրիդի «Ռեալի» պաշտոնական հեռուստաալիքը հակադարձել է «Բարսելոնայի» նախագահ Ժոան Լապորտային: Վերջինս ավելի վաղ հայտարարել էր, թե մադրիդյան ակումբի հեռուստատեսությունը մշտապես ստում է և «անխոնջ կերպով թունավորում մթնոլորտը»:
Հեռուստաալիքի հաղորդավարները կտրուկ արձագանքել են Լապորտայի մեղադրանքներին.
«Եթե սա «զազրելի վարքագիծ» է, ուրեմն մենք կշարունակենք մեզ զազրելի դրսևորել: Մենք կշարունակենք նույն ոգով, որպեսզի ոչինչ չմոռացվի: Սա վերաբերում է ոչ միայն մեկ ակումբի, այլև իսպանական ողջ ֆուտբոլային և սպորտային հանրությանը, քանի որ նման երևույթները հարվածում են երկրի հեղինակությանը»:
Լա Լիգայի ընթացիկ իրավիճակը թեժացնում է այս հեռակա բանավեճը.
- «Բարսելոնա». 1-ին հորիզոնական, 43 միավոր (17 խաղից հետո):
- «Ռեալ Մադրիդ». 2-րդ հորիզոնական, 42 միավոր (18 խաղից հետո):