Իրանագետ Վարդան Ոսկանյանի ֆեյսբուքյան գրառումը․ «Այսօր արհեստածին Ադրբեջանի մայրաքաղաք Բաքվում անցկացվել է, այսպես կոչված, «Արևմտյան Ադրբեջանի» համայնք կոչեցյալի ընդհանուր ժողովը։
Դրա ընթացքում այդ «կազմակերպության»՝ արհեստածին Ադրբեջանի նախագահի աշխատակազմի, քաղաքական կուսակցությունների և օրենսդիր իշխանության հետ կապերի բաժնի վարիչ Ադալաթ Վալիևը, հադես է եկել փաստացի խոստովանությամբ առ այն, որ, այսպես կոչված, «Արեմտյան Ադրբեջանի» կեղծ, հակահայկական, ծավալապաշտական և ագրեսիվ ծրագիրն անձամբ Բաքվի բարբարոսական վարչախմբի պարագլխի կողմից վերածվել է պետական քաղաքականության առաջնահերթ ուղղություններից մեկի։
Եթե վերլուծենք նրա բարբաջանքը, ապա ստացվում է, որ, այսպես կոչված, «Արեմտյան Ադրբեջանի» ամբողջությամբ շինծու թեման առաջին անգամ քաղաքական մակարդակում արծարծվել է Հեյդար Ալիևի կողմից, իսկ նրա որդին՝ Բաքվի ներկայիս բռնապետն, այն դարձրել է իր պետական քաղաքականության առաջնահերթություններից մեկը։
Հետաքրքիր է՝ խաղաղության գնացող այդ ո՞ր երկրի ամենաբարձր պաշտոնյան է մյուս երկրի հանդեպ թշնամական և քայքայիչ ծրագիրը դարձնում պետական քաղաքականության առաջնահերթություններից մեկը»։