Ռուսաստանը պատրաստվում է համագործակցել Միացյալ Նահանգների հետ Արկտիկայում։ Այս մասին հայտարարել է Ռուսաստանի Դաշնության նախագահի հատուկ ներկայացուցիչ և Ռուսաստանի ուղղակի ներդրումների հիմնադրամի (RDIF) գործադիր տնօրեն Կիրիլ Դմիտրիևը։
«Մենք պատրաստվում ենք համագործակցել Միացյալ Նահանգների հետ Արկտիկայում», – գրել է նա Facebook-ում։
Դմիտրիևը նախկինում հայտարարել էր, որ ուղևորվում է Մայամի։ Ամերիկյան Politico թերթը հայտնել է, որ այս շաբաթավերջին Մայամիում նախատեսվում է Ռուսաստանի և ԱՄՆ պատվիրակությունների հանդիպումը: Քննարկվելու է Ուկրաինայի հակամարտության կարգավորումը։ Հանդիպմանը կմասնակցեն Դմիտրիևը, ԱՄՆ նախագահի հատուկ բանագնաց Սթիվ Ուիտկոֆը և ամերիկացի առաջնորդի փեսան՝ ձեռնարկատեր Ջարեդ Քուշները։