Հայաստանի տնտեսական պատկերն այսօր ունի ընդգծված անհամամասնություն․ երկրում գործող բիզնեսների ռեկորդային՝ 99.8%-ը փոքր և միջին ձեռնարկություններ են, սակայն իրականում այս մեծ բանակը ստեղծում է երկրի ՀՆԱ-ի ընդամենը մեկ երրորդը։
Խնդիրը հստակ է՝ մենք ունենք բիզնեսների մեծ քանակ, բայց ցածր արտադրողականություն։ Շատ բիզնեսներ չեն կարողանում մեծանալ, իսկ գործունեությունը մեծամասամբ կենտրոնացած է Երևանում։
Այս անհամամասնությունը շտկելու համար մշակվել է ՓՄՁ զարգացման նոր՝ 2026-2030 թվականների ռազմավարությունը։ Փաստաթուղթը, որը պետք է դառնա ոլորտի առաջիկա 5 տարիների ճանապարհային քարտեզը, քննարկման սեղանին դրվեց ՓՄՁ զարգացման խորհրդի 29-րդ նիստում՝ փոխվարչապետ Տիգրան Խաչատրյանի գլխավորությամբ։
Մանրամասները՝ ռեպորտաժում