Այսօր՝ դեկտեմբերի 18-ին, Մայր Աթոռի տարածքում տեղի է ունեցել երկու հակընդդեմ հավաք։ Առաջին հավաքի մասնակիցները, որոնք Մայր Աթոռ էին եկել ընդդիմադիր տարբեր քաղաքական ուժերի կոչով, հանդիսացել են Գարեգին Բ Կաթողիկոսի կողմնակիցներ և հավաքվել են ժամը 15։30-ից։
Երկրորդ հավաքին մասնակցել են քաղաքացիներ, որոնք 10 եպիսկոպոսների կոչով պահանջել են Կաթողիկոսի հրաժարականը։
Երկու հավաքները միմյանցից բաժանված են եղել ոստիկանական պատնեշով։
«Իրազեկ քաղաքացիների միավորումը» աերոնկարահանման միջոցով իրականացրել է հավաքների մասնակիցների հաշվարկ։ Արդյունքում պարզվել է, որ ժամը 17։40-ի դրությամբ Մայր Աթոռի բակում՝ Կաթողիկոսի կողմնակիցների հատվածում, ներկա է եղել 2200 մարդ, իսկ հրաժարական պահանջող քաղաքացիների հատվածում՝ շուրջ 1020 մարդ։
Հաշվարկում ներառված չեն շարքով կանգնած ոստիկանները, ինչպես նաև եկեղեցում և այլ շինություններում գտնվող անձինք։
Հաշվարկն իրականացվել է մասնակիցների անհատական հաշվարկի միջոցով։
Իրազեկ քաղաքացիների միավորում
Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը: