ACA-ի Գրան պրիի հաղթող Մեհդի Բայդուլաևը մեկնաբանել է ACBJJ 20 մրցաշարում UFC-ի թեթև քաշային կարգի դասակարգման առաջատար Արման Ծառուկյանից կրած պարտությունը։
— Հանդիսատեսը իսկապես վայելեց մենամարտը։ Ի՞նչ զգացողություններ ունեք։
«Ես պարտվեցի մարտում, ընդունում եմ դա արժանապատվորեն։ Արմանը այսօր լավն էր։ Եթե լիգան թույլ տա, մենք կունենանք ռևանշ։ Կտեսնենք ռևանշի ժամանակ»։
«Ես ընդհանրապես պատրաստ չէի այս մենամարտին և նույնիսկ չգիտեի՝ այն կկայանա, թե ոչ։ Հաջորդ անգամ կտեսնենք։ Շնորհավորում եմ Արմանին և հայ ժողովրդին»։
Լարվածության և միջադեպի մասին Բայդուլաևը նշել է.
«Ես նույնպես պրոֆեսիոնալ մարտիկ եմ և ունեմ էմոցիաներ։ Եթե մրցակիցը ձեռք է բարձրացնում ինձ վրա, ապա պետք է իմանա, որ կրկնակի հակահարված կստանա։ Նա սկսեց, իսկ ես ավարտեցի։ Եթե նա որևէ բողոք ունի, կարող է զանգահարել ինձ ցանկացած պահի։ Ես բողոք չունեմ, և նա անպատասխան չի մնացել։ Այո, Ծառուկյանը UFC-ի իր քաշային կարգի առաջատարն է, բայց ինձ համար նա պարզապես ևս մեկ մրցակից է», — լրագրողներին ասել է Բայդուլաևը։
Հիշեցնենք, որ Ռուսաստանի մայրաքաղաք Մոսկվայում կայացած ACBJJ 20 մրցաշարի գլխավոր իրադարձությունում Արման Ծառուկյանը գրեփլինգի կանոններով մենամարտում խեղդող հնարով հաղթեց Մեհդի Բայդուլաևին՝ նվաճելով ACBJJ-ի չեմպիոնական գոտին։