Լիբանանի ֆութպոլի ֆետերասիոնի ժողովէն ետք, երեքշաբթի օր որոշուեցաւ ՀՄԸՄ Պուրճ Համուտի ֆութպոլի յաջորդ մրցումը կատարել ուրբաթ օր, յետմիջօրէի ժամը 2։15-ին, Սաֆայի դաշտին վրայ, Թրիփոլիի Իժթիմահիին դէմ։
Մրցումը, որ պիտի ըլլայ Գ. դասակարգի Բ. շաբթուան մրցումներուն շարքին, պիտի ըլլայ ՀՄԸՄ Պուրճ Համուտի 2-րդ մրցումը, ուր տղաքը պիտի փորձեն շահիլ իրենց 2-րդ մրցումը։ Իժթիմահի իր առաջին մրցումին 4-2 արդիւնքով պարտուած էր Հորր Ամելիէէն, մինչ ՀՄԸՄ Պուրճ Համուտ 1-0 արդիւնքով յաղթած էր Թաուֆիրին։
Գ. դասակարգին մէջ տկար խումբ չկայ, եւ կարեւոր է ամէն մրցումին պատրաստուիլ աւարտականի նման։
Պէտք է ըսել, որ ՀՄԸՄ Պուրճ Համուտ իր առաջին մրցումին շատ լաւ էր պաշտպանողական գիծի առումով, բայց աւելի արդիւնաւէտ պէտք է ըլլալ։
Ստորեւ կը ներկայացնենք Բ. շաբթուան յայտագիրը.
ՈՒՐԲԱԹ
Թաուֆիր – Ժալիլ Քանա (Պհամտունի դաշտ)
ՀՄԸՄ Պուրճ Համուտ – Իժթիմահի (Սաֆայի դաշտ)
ՇԱԲԱԹ
Հարաքեթ Շապապ – Հորր Ամելիէ (Թրիփոլիի դաշտ)
ԿԻՐԱԿԻ
Ահլի Սայտա – Ղատ Աֆտալ (Անսար գիւղի դաշտ)