Դելիում օդի խիստ աղտոտվածության հետևանքով առաջացած խիտ մառախուղի պատճառով հետաձգվել է ավելի քան 250 չվերթ, հաղորդում է Hindustan Times-ը։
Նշվում է, որ բացի դրանից՝ վատ տեսանելիության պատճառով չեղարկվել է նաև 22 չվերթ։
Վերջին տվյալների համաձայն՝ Դելիում օդի որակի ինդեքսը կազմում է 358, ինչը վկայում է աղտոտվածության վտանգավոր մակարդակի մասին։
Տեղական իշխանությունները ձեռնարկել են արտակարգ միջոցներ. դպրոցականներն անցել են հեռավար ուսուցման, իսկ որոշ աշխատողներ՝ հեռավար աշխատանքի։