Վենեսուելան ՄԱԿ-ի Անվտանգության խորհրդին խնդրում է միջոցներ ձեռնարկել Վաշինգտոնի դեմ, ասվում է կազմակերպությունում Վենեսուելայի մշտական ներկայացուցիչ Սամուել Մոնկադայի նամակում, որը ձեռք է բերել «ՌԻԱ Նովոստի»-ն։
«Մենք խնդրում ենք Անվտանգության խորհրդի անհապաղ նիստ գումարել՝ Վենեսուելայի Բոլիվարյան Հանրապետության դեմ ԱՄՆ-ի շարունակական ագրեսիան քննարկելու համար և ձեռնարկել անհրաժեշտ միջոցներ միջազգային օրինականությունը վերականգնելու համար»,-ասվում է վենեսուելացի դիվանագետի կողմից ՄԱԿ-ի Անվտանգության խորհրդի (Սլովենիա) նախագահին ուղղված նամակում։
Իր հերթին, Սլովենիայի նախագահությունը նախկինում «ՌԻԱ Նովոստի»-ին հաստատել էր Վենեսուելայի կողմից Անվտանգության խորհրդի նիստ հրավիրելու խնդրանքի փաստը և նշել, որ այս հարցով խորհրդակցություններ է անցկացնում Խորհրդի անդամների հետ։