Մյունխենից Երեւան թռչող ինքնաթիռի 18 հայ ուղեւորի Մեմմինգեմի օդանավակայանից թույլ չեն տվել մեկնել Երեւան։ Օդանավակայանի սպասարկման խնդիրների, հսկա հերթերի պատճառով անձնագրային ստուգումն ու տոմսերի տրամադրումը տեւել է չափազանց երկար։
Տասնյակ ուղեւորներ ինքնաթիռի մեկնման պլատֆորմ հասել են թռիչքից րոպեներ առաջ, սակայն Wizz Air ավիաընկերության ինքնաթիռն այլեւս չի ընդունել ուղեւորներին։
Տեխնիկական խնդիր եղել է նաեւ տոմսերը օնլայն ամրագրելիս, երբ տոմսերի վրա բացակայել է QR կոդը, եւ նոր տոմսեր ստանալու համար եւս ուղեւորները ստիպված են եղել ավել ժամանակ անցկացնել երկար հերթերում։