Դեկտեմբերի 15-ին հակակոռուպցիոն դատարան գործ է մուտք արվել պաշտոնեական դիրքն օգտագործելու և պետությանը խոշոր չափերի գույքային վնաս պատճառելու մեղադրանքով։ Գործը մակագրվել է դատավոր Սարգիս Պետրոսյանին։ Այս մասին Iravaban.net-ը տեղեկանում է DataLex դատական տեղեկատվական համակարգից։
Մեղադրական եզրակացության համառոտ բովանդակություն
Ա․Հ․Վ․-ը, 1996 թվականից մինչև 2021 թվականը զբաղեցնելով Կոտայքի մարզի Պտղնի համայնքի ղեկավարի պաշտոնը, հանդիսանալով տեղական ինքնակառավարման մարմնում մշտապես կազմակերպական-տնօրինչական, վարչատնտեսական գործառույթներ իրականացնող պաշտոնատար անձ, անձնական այլ շահագրգռվածությունից ելնելով իր պաշտոնեական դիրքն օգտագործել է ծառայության շահերին հակառակ՝ Պտղնի համայնքի օրինական շահերին պատճառելով առանձնապես խոշոր չափերի՝ 13.094.997 ՀՀ դրամ գումարի գույքային վնաս, ինչպես նաև կատարել պաշտոնեկան կեղծիք։
Ք․Վ․Ա․-ը, 2021 թվականի մարտ-օգոստոս ամիսներին խոչընդոտները վերացնելու եղանակով օժանդակել է ՀՀ Կոտայքի մարզի Պտղնի համայնքի ղեկավարի պաշտոնը զբաղեցրած և իր հետ խնամիական կապ ունեցող Ա․Հ․Վ․-ին, անձնական այլ շահագրգռվածությունից ելնելով իր պաշտոնեական դիրքը ծառայության շահերին հակառակ օգտագործելուն, որը Պտղնի համայնքի օրինական շահերին պատճառել է առանձնապես խոշոր չափերի՝ 13.094.997 ՀՀ դրամ գումարի գույքային վնաս։
Ա․Հ․Վ․-ին մեղադրանք է առաջադրվել ՀՀ ՔՕ չորս հոդվածներով։
1․ ՀՀ ՔՕ 308 հոդվածի 2-րդ մասի
2․ ՀՀ ՔՕ 314 հոդվածի 1-ին մասի
3․ ՀՀ ՔՕ 441 2-րդ մասի 2-րդ կետով
4․ ՀՀ ՔՕ 445 հոդվածի 1-ին մասով
Ք․Վ․Ա․-ին մեղադրանք է առաջադրվել ՀՀ ՔՕ չորս հոդվածներով
1․ ՀՀ ՔՕ 38-308 հոդվածի 2-րդ մասով
2․ ՀՀ ՔՕ 325 հոդվածի 1-ին մասով
3․ ՀՀ ՔՕ 46-441 հոդվածի 2-րդ մասի 2-րդ կետով
4․ ՀՀ ՔՕ 457 հոդվածի 1-ին մասի
Մեղադրյալներին խափանման միջոց կիրառվել է բացակայելու արգելք։
Ա․Հ․Վ․-ի նկատմամբ այլ քրեական գործով խափանման միջոց է կիրառվել տնային կալանք:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: