Հոլիվուդյան ռեժիսոր Ռոբ Ռեյների և նրա կնոջ մահից հետո, ըստ Լոս Անջելեսի ոստիկանության տվյալների բազայի, ձերբակալվել է նրանց որդին՝ Նիք Ռեյները։ Ռեյներին և նրա կնոջը՝ Միշելին, կիրակի օրը մահացած էին գտել իրենց Լոս Անջելեսի տանը․ ոստիկանությունը հետաքննում է նրանց մահը որպես հնարավոր սպանություն։
Նիք Ռեյները կալանավորված է, բայց կարող է ազատ արձակվել 4 միլիոն դոլար գրավի դիմաց։
Ռեժիսորի 32-ամյա որդին ձերբակալվել է կիրակի օրը։ Սակայն ոստիկանությունը դեռևս պաշտոնապես չի հայտարարել, թե Նիք Ռեյներին առաջադրված մեղադրանքը որքանով է կապված ռեժիսորի և նրա կնոջ մահվան հետ։
Նիք Ռեյները Ռոբ Ռեյների և Միշել Սինգերի երեք երեխաներից միջնեկն է։
Նա սցենարիստ է և ճանաչում է ձեռք բերել իր հոր նկարահանած «Լինելով Չարլի» ֆիլմից հետո, որի համահեղինակն է։
Նիքը People ամսագրին ասել է, որ ֆիլմը, որը պատմում է թմրամոլության դեմ պայքարող դեռահասի մասին, մասամբ հիմնված է կախվածության դեմ պայքարի իր սեփական փորձի վրա։
Ռեյները Հոլիվուդի ամենահայտնի ռեժիսորներից մեկն էր։