Բելառուսի նախագահ Ալեքսանդր Լուկաշենկոն բանակցությունների ժամանակ ամերիկյան պատվիրակությանը զգուշացրել է, որ Վենեսուելայում պատերազմը կարող է նոր Վիետնամ դառնալ Միացյալ Նահանգների համար։ Այս մասին հայտարարել է ՄԱԿ-ում Բելառուսի մշտական ներկայացուցիչ Վալենտին Ռիբակովը։
«Բելառուսի նախագահը շատ անկեղծորեն խոսել է ամերիկյան պատվիրակության հետ այս թեմայի շուրջ և զգուշացրել, որ Ամերիկային նման պատերազմի մեջ ներքաշելը պարզապես կնշանակի Վիետնամի կրկնություն Ամերիկայի համար, ինչը ոչ մեկին չի հետաքրքրում, ոչ էլ օգուտ է բերում ո՛չ ամերիկյան ժողովրդին, ո՛չ վենեսուելական ժողովրդին, և առավել ևս՝ ամբողջ միջազգային հանրությանը», – ասել է նա «Первый информационный» հեռուստաալիքին տված հարցազրույցում։