Բուլղարիան, Իտալիան և Մալթան կաջակցեն Բելգիային՝ դեկտեմբերի 18-19-ը կայանալիք ԵՄ գագաթնաժողովում Ուկրաինայի ֆինանսավորման համար ռուսական սառեցված ակտիվներն օգտագործելու որոշումը արգելափակելու հարցում, հաղորդում է Politico-ն՝ հղում անելով իր ձեռք բերած փաստաթղթին։
Հրատարակության տվյալներով՝ չորս երկրներ կմիավորվեն՝ Եվրահանձնաժողովի (ԵՀ) վրա ճնշում գործադրելու և Ուկրաինայի համար այլընտրանքային ֆինանսավորման տարբերակներ առաջարկելու համար։
«Այս քվեարկությունը ոչ մի դեպքում չի կանխորոշում ռուսական սառեցված ակտիվների հնարավոր օգտագործման վերաբերյալ որոշումը, որը պետք է կայացվի ղեկավարության մակարդակով», – ասվում է փաստաթղթի տեքստում, որը չորս երկրները մտադիր են ուղարկել ԵՀ։
Դեկտեմբերի 12-ին Եվրոպական Միության Խորհուրդը որոշում ընդունեց Ռուսաստանի ինքնիշխան ակտիվները մշտապես սառեցնելու մասին:
Եվրահանձնաժողովի ծրագրի համաձայն՝ ակտիվների մշտական սառեցումը Կիևի համար «փոխհատուցման վարկի» սխեմայի քողի տակ ռուսական ակտիվների բռնագրավման առաջին փուլն է: