Բաքվի ռազմական դատարանը շարունակում է քննել Արցախի նախկին պետնախարար, գործարար Ռուբեն Վարդանյանի դեմ կեղծ գործը. գրում են ադրբեջանական լրատվամիջոցները:
Ադրբեջանական ԶԼՄ-ների փոխանցմամբ՝ այսօրվա նիստում փաստաբան Էմիլ Բաբիշովը «խնդրել» է դատարանին վերջնական որոշում կայացնելիս նկատի չառնել «տուժողների» ցուցմունքները՝ հայտարարելով, որ այսպես կոչված ցուցմունքների մի մասը կապ չունի «մեղադրյալի» հետ։
Շինծու գործով հաջորդ նիստը կկայանա դեկտեմբերի 16-ին:
Հիշեցնենք՝ Ռուբեն Վարդանյանի նկատմամբ քրեական գործ է հարուցվել «խաղաղության և մարդկության դեմ ուղղված հանցագործությունների, ռազմական հանցագործությունների, նաև ահաբեկչության, ահաբեկչության ֆինանսավորման» և այլ հոդվածներով։