Այսօր Բրյուսելի պաշտոնյաները հատում են ռուբիկոնը։ Կեսօրին տեղի կունենա գրավոր քվեարկություն, որը անդառնալի վնաս կհասցնի Միությանը, գրել է Հունգարիայի վարչապետ Վիկտոր Օրբանը։
«Քվեարկության թեման սառեցված ռուսական ակտիվներն են, որոնց վերաբերյալ մինչ այժմ ԵՄ երկրները քվեարկել են յուրաքանչյուր վեց ամիսը մեկ և որոշումներ կայացրել միաձայն։ Այսօրվա ընթացակարգով Բրյուսելը գրիչի մեկ հարվածով վերացնում է միաձայնության պահանջը, ինչը ակնհայտորեն անօրինական է», – նշել է Օրբանը։
Նա գրել է, որ այսօրվա որոշմամբ ԵՄ-ում օրենքի գերակայությունը փաստացիորեն ավարտվում է, և եվրոպացի առաջնորդներն իրենց կանոններից վեր են դասում։
«ԵՄ պայմանագրերը կիրառելու փոխարեն, Եվրահանձնաժողովը համակարգված կերպով անտեսում է եվրոպական օրենսդրությունը՝ դա անելով Ուկրաինայում պատերազմը շարունակելու համար, պատերազմ, որը ակնհայտորեն անհաղթելի է։ Այս ամենը տեղի է ունենում օրը ցերեկով, Եվրոպական խորհրդի՝ ԵՄ ամենակարևոր մարմնի նիստից մեկ շաբաթից էլ պակաս ժամանակ առաջ, որտեղ հավաքվում են պետությունների և կառավարությունների ղեկավարները։ Այսպիսով, Միությունում օրենքի գերակայությունը փոխարինվում է բյուրոկրատական կառավարմամբ։ Այլ կերպ ասած՝ հաստատվել է Բրյուսելի բռնապետություն։ Հունգարիան բողոքում է այս որոշման դեմ և կանի հնարավոր ամեն ինչ՝ իրավական կարգը վերականգնելու համար», – գրել է Հունգարիայի վարչապետը։