Կառավարության կողմից խորհրդարանը լուծարելու որոշումից հետո, Թաիլանդի Կենտրոնական ընտրական հանձնաժողովը հայտարարեց փետրվարին համընդհանուր ընտրություններ անցկացնելու իր պատրաստակամության մասին, ուրբաթ օրը հաղորդել է The Nation-ը։
«Կարծում եմ՝ իրավիճակը ավելի պարզ կդառնա մինչև երկուշաբթի կամ երեքշաբթի։ Կենտրոնական ընտրական հանձնաժողովը կազմել է ընտրությունների ժամանակացույց, և մենք պատրաստ ենք անցկացնել քվեարկությունը», – ասել է հանձնաժողովի ղեկավար Նարոնգ Կլանվարին՝ հավելելով, որ ընտրությունների ամսաթիվը կարող է լինել փետրվարի 8-ը։
Կլանվարինը նշեց, որ ԿԸՀ-ն անընդհատ հետևում է Թաիլանդի և Կամբոջայի սահմանին տիրող իրավիճակին, որոնք վերսկսել են ռազմական գործողությունները, և առայժմ հանձնաժողովը չի կարծում, որ հակամարտությունը կարող է խանգարել ընտրություններին։
Հինգշաբթի օրը The Nation-ը հաղորդեց, որ վարչապետ Անութհին Չանվիրակունը որոշել է լուծարել խորհրդարանը և հրամանագրի նախագիծը ներկայացրել է Թաիլանդի թագավոր Մահա Վաջիրալոնգկորնին՝ հաստատման համար: Ուրբաթ օրը հրապարակվեց Ներկայացուցիչների պալատի լուծարման մասին հայտարարող թագավորական հրամանագիրը: