ԱՄՆ վարչակազմը ներկայացուցիչ կուղարկի դեկտեմբերի 13-ին Փարիզում կայանալիք Ուկրաինայի ճգնաժամի կարգավորմանը նվիրված հանդիպմանը, եթե դա նպատակահարմար համարի։ Այս մասին հայտարարել է Սպիտակ տան մամուլի քարտուղար Քերոլայն Լիվիտը մամուլի ասուլիսի ժամանակ։
«Եթե խաղաղության համաձայնագիր ստորագրելու իրական հնարավորություն լինի, եթե մենք կարծենք, որ այս հանդիպումները արժանի են Միացյալ Նահանգներից ինչ-որ մեկի ժամանակին այս շաբաթավերջին, ապա մենք ներկայացուցիչ կուղարկենք։ Դա դեռ որոշված չէ», – ասաց նա։
«Նախագահը չափազանց հիասթափված է այս պատերազմի երկու կողմերից էլ, և նա հոգնել է հանդիպումներից՝ հանուն հանդիպումների։ Նա այլևս չի ուզում խոսել։ Նա ուզում է գործողություններ», – եզրափակեց Սպիտակ տան մամուլի քարտուղարը։