Հայաստանի քննչական կոմիտեն քրեական վարույթի շրջանակներում քննչական գործողություններ է իրականացնում Հայաստանում Լեռնային Ղարաբաղի ներկայացուցչության շենքում, «Արմենպրես»-ին հայտնել են ՀՀ քննչական կոմիտեից՝ այլ մանրամասներ չհաղորդելով։
«Քրեական վարույթի շրջանակում կատարվում են անհրաժեշտ քննչական գործողություններ»,- փոխանցել են ՀՀ քննչական կոմիտեից։
Ավելի վաղ Ազգային ժողովի «Պատիվ ունեմ» խմբակցության պատգամավոր Տիգրան Աբրահամյանն էր «Ֆեյսբուք»-ի իր էջում գրել, որ ՀՀ քննչական կոմիտեն քննչական գործողություններ է իրականացնում Հայաստանում ԼՂ ներկայացուցչությունում։