Կառավարութունն այսօր հավանություն տվեց Հայկ Սարգսյանի կողմից շրջանառված օրենքի նախագծին, այն Ազգային ժողովում կքննարկվի 2026 թվականի հունվարին։
Նախագծով առաջարկվում է ընդլայնել նախորդ օրենքի ընձեռած հնարավորությունները, որն ընդունվեց 2024 թվականի հունվարին։
Ըստ այդ օրենքի՝ զինվորական ծառայություն չանցած 27-ից 37 տարեկան քաղաքացիները կարող են ազատվել քրեական պատասխանատվությունից կամովին ընտրելով նշված 5 տարբերակներից մեկը՝
1. ծառայել 24 ամիս,
2. ծառայել 12 ամիս և պետական բյուջե վճարել 2.5 միլիոն դրամ,
3. ծառայել 6 ամիս և պետական բյուջե վճարել 5 միլիոն դրամ,
4. ծառայել 1 ամիս և պետական բյուջե վճարել 10 միլիոն դրամ,
5. զինվորական ծառայության փոխարեն պետական բյուջե վճարել 15 միլիոն դրամ: