10 դեկտեմբերի 2025 – 12:57 AMT
PanARMENIAN.Net – Երևանի բնակիչները կարողացել են օգտվել անվճար բժշկական հետազոտություններ անցնելու հնարավորությունից, հայտնում է Երևանի քաղաքապետարանը։
Երևանի քաղաքապետարանը շարունակում է կյանքի կոչել «Դժվարամատչելի հետազոտությունների իրականացում» ծրագիրը, որի շրջանակում երևանցիներիը հնարավորություն են ունենում անվճար անցնել հետևյալ գործիքային հետազոտությունները․
- համակարգչային շերտագրում,
- մագնիսառեզոնանսային տոմոգրաֆիա,
- կրծքագեղձի սքրինինգային ստուգում,
- ախտորոշիչ կորոնագրաֆիա և սրտի անոթների ստենտավորում,
- աորտա-կորոնար անոթների շունտավորում։
«Այս հետազոտությունները փրկում են մարդկային կյանքեր և ապահովում են երևանցիների համար առողջապահական անհետաձգելի ծառայությունների բարձր որակ։
Բուժառուն բժշկական փաստաթղթերի հիման վրա դիմում է ներկայացնում «Մեկ պատուհան», որտեղ ստուգվում է անհրաժեշտ փաստաթղթերի առկայությունը, և դրանից հետո էլեկտրոնային ուղեգիրը ուղարկվում է համապատասխան բուժհաստատություն»,–ասվում է հաղորդագրության մեջ։