«Եկէք կեդրոնանանք այն բաներուն վրայ, զորս մենք կրնանք միասնաբար ընել, ի՛նչ օգուտ կրնանք տեսնել այդ անվտանգութեան ռազմավարութենէն, որովհետեւ մենք տակաւին Ամերիկայի հետ դաշնակիցներ ենք», այս մասին յայտարարած է Եւրոպական Միութեան արտաքին եւ անվտանգութեան քաղաքականութեան բարձրագոյն յանձնակատար Քայա Քալլաս` պատասխանելով լրագրողի այն հարցումին, թէ Եւրոպական Միութիւնը ի՛նչ կը մտածէ Թրամփի վարչակազմի այն յայտարարութեան մասին, թէ Եւրոպան անկումի վիճակի մէջ է եւ պէտք է Եւրոպայի ներկայ ուղիին նկատմամբ դիմադրողականութիւն ձեւաւորել:
«Մենք ոչ միշտ ամէն ինչին նոյն աչքով կը նայինք, սակայն ատիկա մեր ներքին գործն է, եւ մենք կրնանք ինքներս լուծել այդ հարցերը:
«Եկէ՛ք կեդրոնանանք աւելի համաշխարհային հարցերու վրայ, ինչպիսիք են` Չինաստանի տնտեսական պարտադրողական վարմունքը, որուն մենք երկուքս ալ կ՛առնչուինք, եւ այն սպառնալիքը, որ կու գայ թշնամի դերակատարներէն, ինչպիսիք են` Ռուսիան, Չինաստանը, Իրանը», ընդգծած է Քալլաս: