Նոյեմբերի վերջին հեղինակավոր վերլուծաբան Մին Չի-Կուոն հայտնեց, որ Apple-ն ու Intel-ը վերականգնելու են համագործակցությունը, և 2027 թվականին ամերիկյան կիսահաղորդիչ արտադրողը կսկսի M-շարքի չիպերի արտադրությունը Mac և iPad սարքերի համար։
Սակայն այժմ հայտնի է դարձել, որ երկու տեխնոլոգիական հսկաների համատեղ ծրագրերը շատ ավելի մեծ են։
Վերլուծաբան Ջեֆ Փուն հայտնել է, որ Apple-ը նախատեսում է ներգրավել Intel-ին ոչ միայն նոթբուքների և պլանշետների, այլ նաև iPhone-ի հիմնական մոդելների չիպերի արտադրությունում։
Փուի տեղեկություններով՝ Intel-ը 2028 թվականից կմիանա iPhone-ի պրոցեսորների արտադրությանը, սակայն չի մասնակցի դրանց նախագծմանը։
MacRumors-ը ենթադրում է, որ խոսքը վերաբերում է Apple A22 չիպին, որը նախատեսված է iPhone 20 և iPhone 20e մոդելների համար։ Սպասվում է, որ չիպերի արտադրությունը կիրականացվի ապագա Intel 14A տեխնոլոգիական գործընթացին համապատասխան։
Աղբյուրները ընդգծում են, որ, չնայած Intel-ի հետ համագործակցության վերականգնմանը, Apple-ի հիմնական գործընկերը չիպերի արտադրությունում կմնա թայվանական TSMC ընկերությունը։
Տեխնոլոգիական հրապարակումներն իրականացվում են Իդրամի աջակցությամբ։