Միացեալ Նահանգներու նախագահ Տանըլտ Թրամփ Ազրպէյճանի նախագահ Իլհամ Ալիեւին յղած է նամակ մը: Այս մասին կը հաղորդեն ազրպէյճանական լրատուամիջոցները: Նամակին մէջ Թրամփ կ՛ըսէ.
«Շնորհակալութիւն կը յայտնեմ վարչապետ Փաշինեանի հետ միացեալ նամակին համար, որով թեկնածութիւնս կ՛առաջադրէք Նոպելեան խաղաղութեան մրցանակին: Ես խոր երախտագիտութիւն կը յայտնեմ այս հեղինակաւոր մրցանակին համար, որ մեզ կ՛ոգեշնչէ շարունակելու մեր կարեւոր առաքելութիւնը:
«Իբրեւ Միացեալ Նահանգներու նախագահ` ես պիտի շարունակեմ յանձնառու ըլլալ աշխարհի վրայ տագնապներու դադրեցման եւ բոլոր մարդոց համար խաղաղութեան ու բարգաւաճման ապահովման: Ձեր շարունակական գործընկերութեան շնորհիւ մենք պիտի հասնինք անկարելիին:
«Կրկին շնորհակալութիւն կը յայտնեմ ձեր շարունակական աջակցութեան համար»: