Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Աշխարհի եւ Եվրոպայի բրոնզե մեդալակիր Նարեկ Մանասյանը տպավորիչ հաղթանակով մեկնարկեց Դուբայում անցկացվող բռնցքամարտի տղամարդկանց աշխարհի առաջնությունում: 92 կգ քաշայինների պայքարում Մանասյանը մենամարտեց ավստրալիացի Լեո Նիկոլսոնի հետ եւ հաղթեց ժամանակից շուտ տեխնիկական նոկաուտով:
Երկրորդ ռաունդում Մանասյանը երկու անգամ նոկդաունի ենթարկեց մրցակցին, որից հետո ռինգի մրցավարը կանգնեցրեց մենամարտը:
Բռնցքամարտի աշխարհի առաջնության 5-րդ մրցումային օրը երկրորդ վստահ հաղթանակն է տարել Տոկիոյի Օլիմպիական խաղերի բրոնզե մեդալակիր Հովհաննես Բաչկովը եւ Արտուշ Հովհաննիսյանը (80 կգ)
Քիչ անց ռինգ դուրս կգա աշխարհի փոխչեմպիոն Դավիթ Չալոյանը (+92 կգ)։
Երեկոյան մրցահերթում պայքարի մեջ կլինեն Բարեղամ Հարությունյանը (48 կգ ), Արթուր Բազեյանը (60 կգ) եւ Վախթանգ Հարությունյանը (75 կգ )։
Դավիթ Չալոյանը (+92 կգ) մեկնարկում կհանդիպի Տաջիկստանի ներկայացուցիչ Մուհամադ Աբրորիդինովին:
48 կգ քաշային Բարեղամ Հարությունյանը կփորձի հաղթահարել Թաիլանդի ներկայացուցիչ Թիրապատ Իտանի արգելքը:
Եվրոպայի փոխչեմպիոն Արթուր Բազեյանը (60 կգ) երկրորդ մենամարտում կհանդիպի Գանան ներկայացնող Եբենզեր Անկրային:
Վախթանգ Հարությունյանը (75 կգ) կմրցի Ուզբեկստանը ներկայացնող Ֆազլիդին Էրկինբոեւի հետ:
Հետևեք մեզ՝ այստեղ