Ֆուտզալի կանանց Բրազիլիայի ազգային հավաքականը դարձել է աշխարհի չեմպիոն։
Ֆիլիպիններում անցկացված մրցաշարի եզրափակչում բրազիլուհիները 3-0 հաշվով հաղթել են Պորտուգալիայի ընտրանուն։
Վիլսոն Սաբոայի գլխավորած թիմը մրցաշարում անցկացրած բոլոր խաղերը հաղթանակով է ավարտել։ Բրազիլուհիները հաղթել են նաև Իրանի (4-1), Իտալիայի (6-1), Պանամայի (9-0), Ճապոնիայի (6-1) և Իսպանիայի (4-1) ընտրանիներին։
Մրցաշարի բրոնզե մեդալակիր է դարձել Իսպանիայի հավաքականը` երրորդ տեղի համար խաղում 5-1 հաշվով հաղթելով Արգենտինայի թիմին։
Կանանց ֆուտզալի աշխարհի առաջնությունն անցկացվում էր առաջին անգամ։