Ռուսիոյ եւ Ուքրանիոյ տագնապը կը մօտենայ հաւանական շրջադարձային կէտին` Եւրոպայի եւ Միացեալ Նահանգներու միջեւ գոյութիւն ունեցող պառակտման պայմաններուն մէջ: Այս մասին կը գրէ «Պլումպըրկ»:
Լրատու գործակալութեան տուեալներով` եւրոպացի ղեկավարները մտահոգուած են Ռուսիոյ հետ միասնաբար մշակուած խաղաղութեան համաձայնագիրի շուրջ բանակցելու Միացեալ Նահանգներու փորձերով, ինչ որ խաթարած է Սպիտակ տան նկատմամբ վստահութիւնը եւ յառաջացուցած «գոյութենական հարցեր». Եւրոպան պիտի կարենայ պաշտպանուիլ, եթէ ՕԹԱՆ-ը փլուզուի: