Դեկտեմբերի 4-ին և 5-ին Ֆլորիդայում կայացած ԱՄՆ-ի և Ուկրաինայի ներկայացուցիչների բանակցությունները չկարողացան մեծ առաջընթաց գրանցել խաղաղության գործընթացում, գրել է Bloomberg-ը։
Պետդեպարտամենտը ավելի վաղ քննարկումները գնահատել էր որպես կառուցողական և հայտնել, որ կողմերը համաձայնության են եկել անվտանգության միջոցառումների շուրջ, քննարկել են նաև Ուկրաինայի ապագա վերակառուցումը։
«Չնայած դրական ձևակերպումներին, քիչ նշաններ կան մեծ առաջընթացի մասին, որը կարող է նոր խթան հաղորդել բանակցություններին», — եզրակացրել են հրապարակման հեղինակները։
Բանակցություններին մասնակցել են ԱՄՆ նախագահ Դոնալդ Թրամփի հատուկ բանագնաց Սթիվեն Ուիթքոֆը և ամերիկացի առաջնորդի փեսան՝ ձեռնարկատեր Ջարեդ Քուշները։ Ուկրաինական կողմը ներկայացրել են Ազգային անվտանգության և պաշտպանության խորհրդի քարտուղար Ռուստեմ Ումերովը և Զինված ուժերի գլխավոր շտաբի պետ Անդրեյ Գնատովը։
Կողմերը կշարունակեն իրենց քննարկումները դեկտեմբերի 6-ին։
Մայամիի բանակցությունները հաջորդել են Ուիթքոֆի և Քուշների և Ռուսաստանի նախագահ Վլադիմիր Պուտինի միջև դեկտեմբերի 2-ին Մոսկվայում տեղի ունեցած գրեթե հինգժամյա հանդիպմանը, որից հետո ռուսական կողմը հայտարարեց խաղաղության ծրագրի համար «փոխզիջումային տարբերակի» բացակայության մասին։