Ռուսաստանի նախագահ Վլադիմիր Պուտինի պետական այցը Նյու Դելի անմոռանալի էր և խիստ հաջողված։ Այս մասին հայտարարել է Հնդկաստանի արտաքին գործերի նախարարության պաշտոնական խոսնակ Ռանդհիր Ջայսվալը։
«Անմոռանալի այց։ Ռուսաստանի նախագահ Վլադիմիր Պուտինը ավարտեց խիստ հաջող երկօրյա պետական այցը Հնդկաստան», – գրել է նա Ֆեյսբուքի իր էջում:
Ռուսաստանի առաջնորդն ավարտեց իր երկօրյա պետական այցը Հնդկաստան։ Նյու Դելիում նա անցկացրեց մի շարք երկկողմ բանակցություններ, մասնակցեց ռուս-հնդկական գործարար ֆորումի և ծաղկեպսակ դրեց Մահաթմա Գանդիի հուշարձանին։ Այցելությունից հետո ստորագրվեցին մի շարք երկկողմ համաձայնագրեր։