Մոսկվա-Պհուկետ չվերթն իրականացնող Red Wings ավիաընկերության ինքնաթիռը, որն աղետի ազդանշան էր տվել, վայրէջք է կատարել Դոմոդեդովո օդանավակայանում։
«Red Wings-ի օդանավը, որը նախկինում աղետի ազդանշան էր տվել շարժիչի հրդեհի պատճառով, հաջողությամբ վայրէջք է կատարել Դոմոդեդովո օդանավակայանում», — նշված է 112 տելեգրամյան ալիքում արված հրապարակման մեջ։ Նախնական տեղեկությունների համաձայն՝ տուժածներ չկան։
Ինքնաթիռը թռիչք է կատարել ժամը 21:19-ին, և կարճ ժամանակ անց շարժիչը բռնկվել է։ Օդաչուները աղետի ազդանշան են տվել և որոշել են վերադառնալ մեկնման օդանավակայան։
Ինքնաթիռը մեկ ժամ պտտվել է Մոսկվայի մարզի վրայով՝ այրելով վառելիքը։
Ինքնաթիռում ընդհանուր առմամբ 425 մարդ է եղել՝ 412 ուղևոր և 13 անձնակազմի անդամ։