ՀՀ-ում այլևս աղքատության պատճառն այն չէ, որ աշխատատեղ չկա․ այդ պրոբլեմը վաղուց վերացված է․ ՎԻԴԵՈ
ԵՐԵՎԱՆ, 3 դեկտեմբերի. /ԱՌԿԱ/․ Հայաստանում կա աղքատության պրոբլեմ, բայց ժամանակն է, որ մենք առերեսվենք և արձանագրենք աղքատության պատճառները։
Այս մասին հայտարարել է ՀՀ վարչապետ Նիկոլ Փաշինյանը 2026 թվականի բյուջեի նախագծի խորհրդարանական եզրափակիչ քննարկման ժամանակ։
«ՀՀ-ում այլևս աղքատության պատճառն այն չէ, որ աշխատատեղ չկա․ այդ պրոբլեմը վաղուց վերացված է», – ասաց վարչապետը։
Ըստ Փաշինյանի՝ Հայաստանում աղքատություն կա միայն աղքատ չլինելու հմտությունների բացակայության կամ սակավ լինելու պատճառով։
«Աղքատությունը հաղթահարելու ձևն աշխատանքն է, բայց մենք պետք է առերեսվենք, որ կան աշխատանքներ, կան մարդիկ, որոնք աշխատում են, բայց շարունակում են աղքատ մնալ, որովհետև նրանք աշխատում են այդ տեղում բավարար պրոֆեսիոնալ հմտություններ չունենալու պատճառով», – նշեց վարչապետը։
Փաշինյանի խոսքով՝ եթե աշխատանքը նույնպես մարդու բարեկեցությունը չի ապահովում, պետք վերադառնալ կրթությանը և աշխատանքային հմտությունների զարգացմանը, և սա պետք է լինի մեր քաղաքականությունը։