Պաղեստինյան ՀԱՄԱՍ շարժումը վերադարձրել է իսրայելցի պատանդների հետ կապ չունեցող մասունքներ, չորեքշաբթի օրը հայտարարել է Իսրայելի վարչապետ Բենիամին Նեթանյահուի գրասենյակը։
«Ազգային դատաբժշկական ինստիտուտում նույնականացման գործընթացի ավարտից հետո պարզվել է, որ երեկ Գազայի հատվածից բերված մնացորդները չեն պատկանում երկու մահացած պատանդներից ոչ մեկին։ Այս տեղեկատվությունը փոխանցվել է նրանց ընտանիքներին», – ասվում է մամուլի հաղորդագրության մեջ։