ԱՄՆ պետքարտուղար Մարկո Ռուբիոն հայտնել է, որ Ուկրաինայի հետ պատերազմի ավարտին միտված համաձայնագրի շուրջ վարած բանակցությունները «արդյունավետ էին», սակայն «դեռ շատ բան կա անելու», հաղորդում է BBC-ն:
«Խոսքը ոչ միայն այն պայմանների մասին է, որոնք դադարեցնում են մարտերը: Խոսքը նաև այն պայմանների մասին է, որոնք հնարավորություն կտան Ուկրաինային երկարաժամկետ բարեկեցության… Կարծում եմ՝ այսօր մենք առաջընթաց ունեցանք, բայց դեռ անելիք կա», – հայտարարել է պետքարտուղարը։
Ֆլորիդայում կայացած բանակցություններին ուկրաինական պատվիրակությունը ղեկավարել է ազգային անվտանգության խորհրդի քարտուղար Ռուստեմ Ումերովը։ Նա ևս դրական է գնահատել բանակցությունների ընթացքն ու շնորհակալություն հայտնել ԱՄՆ-ին աջակցության համար:
Հանդիպմանը ներկա էին նաև ԱՄՆ նախագահ Դոնալդ Թրամփի հատուկ դեսպան Սթիվ Ուիթքոֆը և Թրամփի փեսան՝ Ջարեդ Քուշները։
