Թուրքիան ձգտում է վերսկսել Ռուսաստանի և Ուկրաինայի պատվիրակությունների միջև բանակցությունները Ստամբուլում և հույսը դնում է Արևմուտքի աջակցության վրա, «ՌԻԱ Նովոստի»-ին հայտնել է թուրքական դիվանագիտական աղբյուրը։
Նրա խոսքով՝ Անկարան ամենաբարձր մակարդակով հայտարարել է բանակցությունների չորրորդ փուլը հյուրընկալելու իր պատրաստակամության մասին։ Աղբյուրը նշել է, որ Թուրքիան ձգտում է վերադառնալ բանակցությունների սեղանի շուրջ և կայուն հրադադար հաստատել հակամարտության մեջ, որը ազդում է ամբողջ տարածաշրջանի վրա։
«Այս առումով Անկարան ակնկալում է բոլոր գործընկերների, այդ թվում՝ արևմտյան գործընկերների աջակցությունը։ Ինչպես ասում է Թուրքիայի նախագահ Թայիփ Էրդողանը, «խաղաղության գործընթացում պարտվողներ չեն լինի»»,-ասել է գործակալության աղբյուրը։
Ռուսաստանն ու Ուկրաինան Ստամբուլում անցկացրել են ուղիղ բանակցությունների երեք փուլ։