Wizz Air

«Wizz Air» ավիաընկերությունը 2026թ. հունիսի 12-ից գործարկելու է Երևան- Լոնդոն-Երևան երթուղով չվերթերը: Թռիչքները Զվարթնոց միջազգային օդանավակայանից դեպի Լոնդոնի Լյուտոն օդանավակայան կրականացվեն շաբաթական 2 չվերթ հաճախականությամբ՝ յուրաքանչյուր երկուշաբթի և ուրբաթ: Ընդհանուր առմամբ «Wizz Air» ավիաընկերությունը կիրականացնի չվերթեր 18 ուղղություններով դեպի 10 երկիր: Ավիատոմսերի առկայության, վերջիններիս ձեռքբերման և այլ մանրամասների համար խնդրում ենք այցելել ավիաընկերության կայք՝  wizzair.com կամ բջջային հավելված: «Արմենիա» միջազգային օդանավակայաններ

2026 թվականի հունվարի 13-ից Wizz Air-ը կանոնավոր չվերթներ կիրականացնի Բրատիսլավա-Երևան-Բրատիսլավա երթուղով։ Չվերթները կիրականացվեն շաբաթական երեք անգամ՝ երեքշաբթի, հինգշաբթի և շաբաթ։

«Wizz Air»-ը կդադարեցնի Երևան-Վիեննա չվերթի իրականացումը։ Այս մասին հայտնել է ընկերության գլխավոր տնօրեն Ռոլանդ Տիշները։ Պատճառը Վիեննայում ավիաընկերության բազայի փակումն է՝ օդանավակայանում հարկերի և տուրքերի բարձրացման պատճառով։ Գործընթացն իրականացվելու է երկու փուլով. նախ մարտից չեղարկվելու են Վիեննայից չվերթները, իսկ հետո արդեն կհայտարարվեն այլընտրանքային ուղղությունները:

«Wizz Air» բյուջետային ավիաընկերությունը պատրաստվում է նոր ուղղություններ գործարկել Գյումրիից. առաջիկայում թռիչքներ են սպասվում դեպի Իտալիա և Մեծ Բրիտանիա: Ավելի վաղ հայտնի էր դարձել, որ 2025 թվականի սեպտեմբերի 30-ից ավիափոխադրողը կսկսի կանոնավոր չվերթներ իրականացնել դեպի Կիպրոս։ «Wizz Air»-ը հունգարական լոուքոսթեր է, որն ակտիվորեն աշխատում է Կենտրոնական Եվրոպայի շուկայում և շարունակում է ընդլայնել իր ներկայությունը տարածաշրջանում:

Հունգարական «Wizz Air» լոուքոսթերը հոկտեմբերի 2-ից կսկսի չվերթներ իրականացնել Երևան-Փարիզ-Բովե (քաղաք Ֆրանսիայի մայրաքաղաքից 78 կմ հեռավորության վրա) երթուղով: Մայրաքաղաքի «Զվարթնոց» օդանավակայանից թռիչքները կիրականացվեն շաբաթական երեք անգամ՝ երեքշաբթի, հինգշաբթի և շաբաթ օրերին: Նոր ուղղությունը կընդլայնի հայ ուղևորների մուտքը եվրոպական ուղղություններ և դեպի Փարիզ ուղևորությունն ավելի մատչելի կդարձնի:

Հայտնի են դարձել Wizz Air-ի՝ Հայաստանի մայրաքաղաքից Իտալիա չվերթների մանրամասները: Երևանից Նեապոլ չվերթները կիրականացվեն հոկտեմբերի 15-ից՝ շաբաթական երեք անգամ՝ երկուշաբթի, չորեքշաբթի և ուրբաթ օրերին, իսկ Բարիից՝ հոկտեմբերի 26-ից՝ չորեքշաբթի և կիրակի օրերին։ Wizz Air-ը հունգարական բյուջետային ավիաընկերություն է, որի կենտրոնակայանը գտնվում է Վեչեշում։ Գործում է հիմնականում Կենտրոնական Եվրոպայի շուկայում, ընկերությունն ունի բազաներ եվրոպական մի շարք … Read more