Հայաստանի անվտանգային համակարգում առանցքային կադրային փոփոխություններ են տեղի ունենում. Արմեն Գրիգորյանը լքում է Անվտանգության խորհրդի քարտուղարի պաշտոնը, իսկ այդ դիրքում նրան կփոխարինի Ազգային ժողովի նախկին նախագահ Ալեն Սիմոնյանը։
Կառավարության այսօրվա նիստի ավարտին վարչապետ Նիկոլ Փաշինյանը պաշտոնապես հայտարարեց Արմեն Գրիգորյանի պաշտոնանկության մասին՝ շնորհակալություն հայտնելով նրան անցած ութ տարիների ընթացքում կատարած աշխատանքի և ներդրած ջանքերի համար։
Գրիգորյանն իր հերթին երախտագիտություն հայտնեց գործընկերներին ու վարչապետին վստահության և համատեղ աշխատանքի համար՝ ընդգծելով, որ Հայաստանի Հանրապետությանը ծառայելն իր համար մեծ պատիվ էր։ Գործադիրի նիստում հնչած այս հրաժեշտի հայտարարությանը զուգահեռ՝ պաշտոնապես հրապարակվեց Ալեն Սիմոնյանին ԱԽ քարտուղարի պաշտոնում նշանակելու լուրը։
Հատկանշական է, որ Սիմոնյանի թեկնածությունը շաբաթներ առաջ մերժվել էր իշխող «Քաղաքացիական պայմանագիր» կուսակցության վարչության նիստում՝ խորհրդարանի խոսնակի պաշտոնում վերահաստատվելու համար, ինչից հետո որոշում կայացվեց նրան վստահել երկրի անվտանգային գերատեսչության աշխատանքների համակարգումը: