Թուրքիան սկսել է աշխատել Եվրամիության հետ վիզային ռեժիմի ազատականացման մնացած վեց չափանիշների կատարման ուղղությամբ, հայտարարել է փոխնախագահ Ջևդեթ Յըլմազը՝ ընդգծելով, որ Անկարան նմանատիպ քաղաքական կամք է ակնկալում եվրոպական երկրներից։
Թուրքիան և ԵՄ-ն վիզային ռեժիմի ազատականացման շուրջ երկխոսություն են սկսել 2013 թվականին։ Վիզային ռեժիմի անցնելու համար Անկարան պետք է կատարի 72 չափանիշներից վեցը՝ ահաբեկչության դեմ պայքարի օրենսդրության փոփոխություն, Եվրոպոլի հետ համաձայնագրի կնքում, Եվրոպայի խորհրդի կոռուպցիայի դեմ պայքարի պետությունների խմբի առաջարկությունների իրականացում, անձնական տվյալների պաշտպանության օրենքների համապատասխանեցում ԵՄ չափանիշներին, ԵՄ-ի հետ համագործակցություն հանցագործության հետ կապված հարցերում և ռեադմիսիայի համաձայնագրի լիարժեք իրականացում։
Յըլմազի խոսքով` ամենակարևոր խնդիրներից մեկը մնում է անձնական տվյալների պաշտպանության օրենսդրության համապատասխանեցումը եվրոպական չափանիշներին:
Փոխնախագահը նշել է, որ համապատասխան աշխատանքները կատարելու համար ստեղծվել է գիտական հանձնաժողով՝ Թուրքիայի արդարադատության նախարարության մասնակցությամբ: