ԱՄՆ Պետդեպարտամենտը Կոնգրեսին տեղեկացրել է հինգ արտասահմանյան առաքելություններ փակելու իր մտադրության մասին, այդ թվում՝ Կանադայում, Ճապոնիայում և Ինդոնեզիայում գտնվող հյուպատոսությունները, հաղորդում է Reuters-ը՝ հղում անելով աղբյուրներին։
«Անցյալ շաբաթվա վերջին Կոնգրեսի մի քանի հանձնաժողովներին ուղարկված ծանուցման մեջ Պետդեպարտամենտը հայտարարել է, որ մտադիր է փակել իր առաքելությունները Գրենադայի Սուրբ Գևորգ քաղաքում, Ճապոնիայի Նագոյայում, Ինդոնեզիայի Մեդանում, Կամերունի Դուալայում և Կանադայի Վինիպեգում», – հաղորդում է գործակալությունը։
Աղբյուրների խոսքով՝ մի քանի օտարերկրյա ներկայացուցչությունների սպասվող փակումը հիմնականում պայմանավորված է անձնակազմի կրճատմամբ, այլ ոչ թե որևէ կոնկրետ աշխարհաքաղաքական իրադարձությամբ։
Գործակալության հարցմանը ի պատասխան՝ Պետդեպարտամենտը չի հաստատել այս տեղեկատվությունը, սահմանափակվելով ԱՄՆ արդյունավետ դիվանագիտական ներկայության նկատմամբ իր հանձնառության մասին հայտարարությամբ։