Ուկրաինական ուժերը կրկին թիրախավորել են «ռուսական Ամազոնի»՝ Wildberries-ի պահեստները։ Կան տասնյակ տուժածներ, իսկ տնտեսական վնասները գնահատվում են միլիարդավոր ռուբլիներով։
Կիևը արդեն մի քանի շաբաթ է՝ հարվածներ է հասցնում Wildberries-ի պահեստներին՝ պնդելով, որ դրանք օգտագործվում են Ուկրաինայի դեմ ագրեսիայի համար նախատեսված ռազմական տեխնիկայի դետալների պահեստավորման և տեղափոխման նպատակով։ Մարքեթփլեյսի վրա հարձակումներով փորձ է արվում խաթարել ռազմաճակատի համար անհրաժեշտ ապրանքների մատակարարումը, սակայն դա միակ նպատակը չէ։