Պակիստանի Քաբալ քաղաքի ոստիկանական բաժանմունքի մոտ տեղի է ունեցել պայթյուն, որի հետևանքով զոհվել է 14 և վիրավորվել 20 մարդ, հաղորդում է «Դաուն» թերթը՝ հղում անելով տեղական ոստիկանությանը։
«Պայթյունի հետևանքով զոհվել է տասնչորս մարդ», – թերթին հաստատել է ոստիկանության խոսնակ Նասիր Իքբալ Քարիմին։
Ըստ «Գեո» հեռուստաալիքի՝ հղում անելով տեղական ոստիկանությանը, անհայտ մի տղամարդ փորձել է մտնել բաժանմունք, սակայն ոստիկանությունը նրան կանգնեցրել է։ Այնուհետև նա պայթեցրել է պայթուցիկ նյութերը բաժանմունքի դարպասների մոտ։ Հարձակման պահին դեպքի վայրի մոտակայքում տեղի է ունեցել երիտասարդական բողոքի ցույց։
«Սինհուա» լրատվական գործակալությունը, իր հերթին, հաղորդում է, որ պայթյունի հետևանքով վիրավորվել է 26 մարդ։