ԱՄՆ նախագահ Դոնալդ Թրամփը հայտարարել է, որ Միացյալ Նահանգներն ու Իսրայելը հետաձգել են Իրանին հարվածելու ծրագրերը։
Ըստ Թրամփի՝ Իրանը և տարածաշրջանի այլ երկրներ իրենք են դիմել Վաշինգտոնին՝ խնդրելով դադարեցնել ռազմական գործողությունը, քանի որ ապագա գործարքի հիմնական կետերն արդեն համաձայնեցված են։
ԱՄՆ գլխավոր պահանջներն են Հորմուզի նեղուցի անհապաղ բացումը նավերի համար և Իրանի միջուկային ծրագրի ամբողջական դադարեցումը։ Իսրայելը նույնպես միացել է այս որոշմանը և պատրաստ է ժամանակ տալ դիվանագիտությանը։
Այդուհանդերձ, ամերիկյան բանակը մնում է լիարժեք մարտական պատրաստության վիճակում։ Թրամփը նշել է, որ Վաշինգտոնը պատրաստ էր կիրառել ռազմական ուժ։
Մինչ այս հայտարարությունը, ամերիկյան լրատվամիջոցները հայտնել էին, որ ԱՄՆ-ն ու Իսրայելն այս հանգստյան օրերին ծրագրել էին խոշոր հարվածներ հասցնել Իրանի նավթային ու ռազմական օբյեկտներին։