Ֆրանսայի հեծելարշաւի շրջավազքը շարունակուեցաւ: 5-րդ հանգրուանին եւ իր առաջին առիթին Օլաֆ Քոյ (Տեքաթլոն) շահեցաւ իր ասպարէզի առաջին սփրինթը` իր առաջին մասնակցութեան ընթացքին:
Նետերլանտցի մարզիկը առիթէն օգտուեցաւ Փոյի մէջ, որ առաջին անգամ հանգրուան մը հիւրընկալած էր 1930-ին: 2024-ի սփրինթի այս հանգրուանը շահած էր պելճիքացի Եասփեր Ֆիլիփսեն, որ 5-րդ հանգրուանին 5-րդ դիրքով բաւականացաւ:
Քոյ կրցաւ իր ետին ձգել Մաքս Քանթերը եւ Թիմ Մերլիէն` Տեքաթլոն խումբին համար ձեռք ձգելով իր 23-րդ հանգրուանի յաղթանակը: Վերջին անգամ 2023-ին Տեքաթլոն խումբէն Ֆելիքս Կալ շահած էր Քուրշըվելի մէջ:
Դեղին շապիկաւոր Թորսթին Թրին պզտիկ արկած մը ունեցաւ հանգրուանի վերջին բաժինին, բայց պահեց իր շապիկը 6-րդ հանգրուանէն առաջ, ուր մրցակիցները պիտի բարձրանան Մոն Պլանի Փիրենէ:
Ստորեւ արդիւնքները.
5-րդ հանգրուան.
1.- Օլաֆ Քոյ (Տեքաթլոն) 3 ժամ 29′ 07″
2.- Մաքս Քանթեր (Ասթանա) նոյն ժամանակը
3.- Թիմ Մերլիէ (Սութալ) նոյն ժամանակը
4.- Հուպ Արթզ (Լոթօ) նոյն ժամանակը
5.- Եսփեր Ֆիլիփսեն (Ալփեսին) նոյն ժամանակը
ԸՆԴՀԱՆՈՒՐ ԴԱՍԱՒՈՐՈՒՄ
1.- Թորսթին Թրին (Նորվեկիա) 16 ժամ 32′ 07″
2.- Շոն Քուին (Միացեալ Նահանգներ) 28″ ուշ
3.- Մաթիաս Վաչեք (Չեխիա) 3′ 50″ ուշ
4.- Թատէյ Փոկաչար (Սլովենիա) 7′ 53″ ուշ
5.- Եոնաս Վինկըկոր (Դանիա) 7′ 53″ ուշ